بعثت کے ابتدائی ایام میں مسلمانوں نے بہت زیادہ شکنجے اور ظلم و بربریت کواپنی کامیابی کی راہ میں برداشت کیا تھا اورظلم وستم کا یہ سلسلہ روز بروز بڑھتا ہی رہا۔ مسلمانوں پرقریش کا زور اور ظلم وستم سبب بنا کہ ان میں سے کچھ گروہ حبشہ اور کچھ گروہ مدینہ کی طرف ہجرت کرگیا۔

تاریخ انسانیت میں بہت ہی کم شخصیتیں مولائے کائنات حضرت علی علیہ السلام جیسی ہوں گی جس کے دوست اور دشمن دونوں مل کر ان کے فضائل و کمالات کو عام ہونے سے روک دیں اس کے باوجود بھی اس کے تمام فضائل وکمالات اورصفات سےعالم اسلام رو شناس ہوجائے۔

حضرت علی علیہ السلام مکمل طور پر پیغمبراسلام صلی اللہ علیہ وآلہ وسلم کے اختیار میں تھے لہٰذا علی علیہ السلام نے انسانی اور اخلاقی فضیلتوں کے گلستان سے بہت زیادہ فائدہ اٹھایا اورپیغمبراسلام صلی اللہ علیہ وآلہ وسلم کی سرپرستی میں کمالات کے بلندترین درجے پر فائز ہوئے۔

قارئین ہم پیغمبراسلام صلی اللہ علیہ و آلہ وسلم کے پہلے جانشین کی پاکیزہ زندگی کے فضائل و مناقب سے سرشارصفحات آپ کی خدمت میں پیش کرنے کا شرف حاصل کررہے ہیں وہ عظیم الشان شخصیت کہ جسے قرآن کریم نے جان رسول اسلام اور پیغمبر اسلام صلی اللہ علیہ و آلہ وسلم کے کلام میں آپ کو بھائي اور وصی و ولی کے عنوان سے یاد کیا گيا ہے۔"